Ég er erlendis, ætti ég að greiða í ISK eða EUR og af hverju?

Þegar þú verslar erlendis stendur þér oft til boða í posanum að velja á milli þess að greiða með íslenskum krónum (ISK) eða með gjaldeyri þess lands sem þú ert í (EUR/USD/GBP/o.s.frv.).

Ef þú greiðir með korti frá gömlu bönkunum þá máttu búast við borga aukalega í kringum 2,5 - 3% í gjaldeyrisálag sem þeir rukka þig fyrir gjaldeyrinn. Hjá okkur kostar gjaldeyrinn þó bara 0,7% og geturðu því sparað heilan helling með því að nota indókortið þitt í næstu útlandaferð.

En til þess að fá gjaldeyrinn á indógenginu er mikilvægt að velja gjaldeyri þess lands sem þú ert staðsett. Þannig ef þú ert t.d. í Danmörku þá myndirðu velja dönsku krónuna (DKK), á Tælandi velurði Bahtið (THB) og allt þaðan eftir erlendum götum.

Kíkjum aðeins til Spánar fyrir dæmisögu

Þar sem gjaldmiðillinn er Evran (EUR).

Þú ert á vappi eftir götum Madrid og sérð þar í búðarglugga alveg æðislega flottan segul af flamenco dansara í fullri sveiflu sem myndi alveg kóróna ísskápinn heima. Söluaðilinn pakkar saman seglinum fyrir þig og beinir posanum í átt að þér. Þá standa þér tveir kostir í stöðunni:

• Þú velur að greiða fyrir færsluna í EUR: Færslan kemur til okkar í Evrum og við gengisbreytum færslunni yfir í íslenska krónu á því gengi sem við fáum frá VISA (án gjaldeyrisálags!). Gagnsæi er okkur hjartans mál í öllu sem við gerum og því getur þú alltaf ýtt á færsluna í færsluyfirlitinu sem við tökum fram á hvaða gengi þú fékkst evruna. Einnig geturðu alltaf séð gengi dagsins með því að ýta hérna.

  Í stuttu máli kaupir þú evruna á betra gengi þegar þú ferð þessa leið með indókortinu.

• Þú greiðir fyrir færsluna í ISK: Þá er það söluaðilinn sem að sér um að gengisbreyta færslunni á því gengi sem hann ákveður. Það sem gerist er að söluaðilinn fær færsluna til sín í evrum og hann umbreytir færslunni yfir í íslenskar krónur. Í kjölfarið fáum við færsluna til okkar á því gengi og við vitum í raun ekki hversu há færslan var í evrum talið. Yfirleitt eru þannig færslur frekar kostnaðarsamar þar sem söluaðili getur rukkað eins mikið fyrir evruna og hann kýs.

  Þegar þú ferð þessa leið ertu að kaupa evruna af söluaðilanum á þeirra gengi en ekki frá okkur.

Þetta á jafnt við um kortafærslur erlendis og kortafærslur í erlendum netverslunum.

Erlendar hraðbankaúttektir eru með 1,0% álagningu á sér, en eru engu síður ódýrari en finnst hjá öðrum. Gott er að hafa í huga að sumir erlendir hraðbankar gefa fólki ekki valmöguleikann að greiða fyrir gjaldeyrinn á annan hátt en í ISK. Við mælum með því að sleppa að taka út reiðufé hjá slíkum hraðbönkum og velja frekar hraðbanka hjá vottuðum fjármálastofnunum. Þar sem þannig hraðbankar eru töluvert líklegri til að gefa þér valkostinn að gera upp færsluna í þeim gjaldmiðli sem þú vilt.