Get ég fryst kortið í appinu og haldið áfram að nota það í símanum?

Nei, þegar þú frystir kortið þá fer það í „pásu“ alls staðar og frystir bæði plastkortið ásamt kortinu í veskisappi símans. 

Segjum svo að þú finnir ekki plastkortið þitt einn daginn, þá geturðu fryst kortið í indó appinu og verið viss að peningarnir þínir séu 100% öruggir. Skyldi kortið koma síðan aftur í leitirnar (alltaf gott að kíkja í hinn jakkann) þá er lítið mál fyrir þig að affrysta kortið í appinu og halda áfram að greiða með því eins og ekkert hafi í skorist.

Einnig, ef þú kannast ekki við færslu á yfirlitinu þínu, þá mælum við með að frysta kortið í appinu og hafa samband við þjónustuverið okkar svo við getum skoðað færsluna betur með þér.