Hver geta fengið lán?

Við erum rétt að byrja lána og erum lítill sparisjóður. Þess vegna byrjum við að lána takmarkað og til takmarkaðs hóps og því eru jafnvel stífari viðmið en við sambærileg lán. En hey, einhvers staðar þarf að byrja!  Við munum svo breyta lánakröfunum með tíð og tíma.

Lánaviðmið fyrir yfirdrátt: 

• CreditInfo einkunn frá A1 til B2. 
• Kennitalan þarf að vera að minnsta kosti 36 mánaða gömul miðað við dagsetningu umsóknar og viðkomandi þarf að vera búsettur á Íslandi þegar sótt er um yfirdrátt
• Viðkomandi þarf að hafa verið í vinnu síðustu þrjá mánuði miðað við dagsetningu umsóknar með mánaðartekjur að lágmarki 325 þúsund krónur eftir skatt. 
• Viðkomandi þarf að vera a.m.k. 25 ára
• Við viljum líka að viðkomandi hafi verið að nota indó, svo við horfum á virkni viðkomandi: a.m.k. 10 færslur á mánuði seinustu þrjá mánuði - en við tökum tillit til þess ef virknin er minni í 1-2 mánuði á tímabilinu
• Allir einstaklingar eru settir í lánshæfisvöktun hjá Creditinfo á meðan virkum yfirdrætti stendur

Lánaviðmið fyrir fyrirframgreidd laun: 

• Kennitalan þarf að vera að minnsta kosti 36 mánaða gömul miðað við dagsetningu umsóknar og viðkomandi þarf að vera búsettur á Íslandi við umsóknartilfellið
• Viðkomandi þarf að vera a.m.k. 25 ára
• Viðkomandi þarf að hafa fengið 150 þúsund krónur greitt inn á veltureikninginn sinn hjá indó í hverjum mánuði seinustu þrjá mánuði. Indó metur sjálfstætt hvort að þessar launagreiðslur hafi átt sér stað

Lánaviðmið fyrir færslusplitt:

• vera 25 ára eða eldri
• hafa kennitölu sem er a.m.k. þriggja ára gömul
• vera með búsetu á Íslandi
• hafa lánshæfismat A1-B2 (eða C1 ef þú ert að deila viðbótargögnum) skvmt. Credit Info
• hafa staðið í skilum á öðrum lánum hjá indó
• hafa verið launþegi í 3 mánuði
• hafa laun hærri en 325,000 kr. eftir skatt