Hvað gerir gamli bankinn ef ég fæ launin mín inn á indó?

Vonandi verður hann leiður að sjá á eftir þér og sýnir þér þann skilning að þú vilt ekki þurfa borga einhverjum banka fyrir að nota launin þín.

Það sem gamli bankinn þinn má hins vegar alls ekki gera, og kemur fram í sátt sem hann gerði við Samkeppniseftirlitið fyrir um 10 árum, er að refsa þér með því að t.d. hækka vexti á lánin þín, rukka þig einhver aukagjöld (ofan á hin aukagjöldin sem þú varst að borga) eða gjaldfella lánin þín.

Bönkunum ber skylda að stuðla að aukinni samkeppni á bankamarkaði og skv. ofangreindri sátt þýðir það að þeir eiga hreinlega að auðvelda fólki að færa launareikningana sína annað.

Þannig velkomin með launin til indó og segðu bless við bullið í gömlu bönkunum.